Almatyda 28 panfılovshy saıabaǵynyń buryn jóndelgen tósemtastary qaıtadan aýystyrylady
ALMATY. KAZINFORM — Almatynyń Gogol men Pýshkın kósheleriniń qıylysynda, 28 gvardııashy-panfılovshylar saıabaǵynyń mańynda tósemtastardy jańartý jumystary júrip jatyr.
Atalǵan jumystarǵa baılanysty Medeý aýdanynyń ákimdigi túsinikteme berdi. Aýdan ákiminiń orynbasary Azat Kaketaevtyń aıtýynsha, bul ýchaskede brýschatkalardyń tozý deńgeıi shamamen 70%-ǵa jetken.
— Ótken jyldary munda ishinara jóndeý jumystary júrgizilgen, sonyń saldarynan tósemniń birtektiligi buzylyp, plıtkalardyń túsi ártúrli bolyp ketken. Sonymen qatar jekelegen bólshekterdi alǵan kezde kórshiles plıtalardyń da sheti synyp, búlinetindikten, jergilikti jóndeý jumystary tıimsiz bolyp otyr. Osyǵan baılanysty jabyndyny tolyqtaı aýystyrý týraly sheshim qabyldandy. Bul aýmaq — qala turǵyndary men qonaqtary kún saıyn kóp júretin negizgi jaıaý júrginshiler aımaǵynyń biri. Sondyqtan aýmaqty abattandyrý men jumys sapasyna erekshe kóńil bólindi, — dedi Azat Kaketaev.
Sondaı-aq ol jaramdy materıaldardyń barlyǵy demontajdalyp, suryptalady jáne keıinnen qaıta paıdalaný úshin kommýnaldyq qyzmetterdiń bazasyna jiberiletinin atap ótti.
Eske salaıyq, Qazaqstanda granıt bordıýr men tóseme plıtalarynyń óndirisi 30%-ǵa ósti.
