Almatyda 27–28 maýsymdaǵy demalys kúnderi qaıda barýǵa bolady

Kontsertter

Satisfaction 2026 mýzykalyq festıvali 27 maýsym kúni saǵat 13:00-den 23:00-ge deıin Pervomaı kólderindegi Tortuga demalys bazasynda ótedi.

Bul – ashyq aspan astynda uıymdastyrylatyn jazǵy EDM jáne pop-mýzyka festıvali. Halyqaralyq aýqymdy baǵdarlamada álemge áıgili haýs jáne pop oryndaýshylary óner kórsetedi. Olardyń qatarynda Fedde Le Grand, Matisse & Sadko, Sam Martin, Dannic, Aura Dione, Akcent jáne Chester Young bar.

Sonymen qatar kórermenderdi Daft Punk Discovery trıbıýt-shoýy, meıramhana aımaǵy, art-keńistikter men demalys aımaqtary kútedi.

Álemge áıgili Megadeth rok tobynyń kontserti 28 maýsym kúni saǵat 17:00-de Ortalyq mádenıet jáne demalys saıabaǵyndaǵy «Spartak» stadıonynda ótedi.

Tresh-metaldyń ańyzǵa aınalǵan ujymy, vokalıst ári gıtarıst Deıv Masteınniń jetekshiligimen Almaty sahnasyna shyǵady. Aýyr mýzykanyń jankúıerlerine top ózderiniń áıgili hıtteri men kúrdeli gıtaralyq partııalaryn qamtıtyn aýqymdy stadıondyq shoý usynady.

Tynda Music usynatyn «Eski kınonyń júrekke jyly ánderi» atty sımfonııalyq kontsert 28 maýsym kúni saǵat 19:00-de Respýblıka saraıynda ótedi.

Keshte kásibı sımfonııalyq orkestr keńestik jáne álemdik kıno klassıkasyndaǵy tanymal ári júrekke jaqyn áýenderdi oryndaıdy.

Rites of Eternal Wind (Monsoon) mýzykalyq festıval-performansy 27 jáne 28 maýsym kúnderi saǵat 19:00-de qazirgi zamanǵy «Tselınnyı» mádenıet ortalyǵynda ótedi.

Eki kúnge sozylatyn kontseptýaldy jobada senbi kúni 9-epızod – Khazri, jeksenbi kúni 10-epızod – Monsoon usynylady.

Bul – zamanaýı elektrondy mýzyka, dybystyq óner jáne vızýaldy ónerdi toǵystyrǵan erekshe eksperımenttik joba.

Teatrlar

«On kishkentaı negr» spektakli 27 maýsym kúni saǵat 18:00-de Natalııa Sats atyndaǵy memlekettik akademııalyq balalar men jasóspirimder teatry sahnasynda qoıylady.

Bul – On kishkentaı negr jelisi boıynsha daıyndalǵan detektıvtik premera. Qoıylym sońyna deıin kórermendi jumbaqqa toly oqıǵalarmen baýrap alyp, araldaǵy qonaqtardyń birinen keıin biri joǵalý qupııasyn birge sheshýge jeteleıdi.

«Mahabbat grammatıkasy» spektakli 28 maýsym kúni saǵat 18:00-de dál osy teatr sahnasynda usynylady.

Bul qoıylym adam seziminiń názik qyrlaryn, ǵashyqtyqtyń tabıǵatyn, romantıka men jan dúnıesindegi tolǵanystardy kórkem tilmen baıandaıdy.

«Meniń Farızam» dramalyq qoıylymy 27 maýsym kúni saǵat 18:30-da Respýblıkalyq memlekettik akademııalyq koreı mýzykalyq komedııa teatry sahnasynda kórsetiledi.

Qazaq tilindegi bul qoıylym kórnekti aqyn Farıza Ońǵarsynovanyń ishki jan dúnıesin, poezııasyn jáne taǵdyryn tereńinen ashyp kórsetedi.

Kınoteatrlardaǵy jańa fılmder

Demalys kúnderi Almatynyń iri kınoteatrlarynda jazǵy maýsymnyń basty kınotýyndylary kórsetiledi.

• «Oıynshyqtar hıkaıasy 5» (Toy Story 5) – búkil otbasyǵa arnalǵan áıgili anımatsııalyq franshızanyń jalǵasy. Fılm qazaq jáne orys tilderinde kórsetiledi.

• «Shyndyqtyń arǵy jaǵy» – kútpegen sheshimder men shıeleniske toly oqıǵalardy unatatyn kórermenderge arnalǵan fantastıkalyq trıller.

Eske salaıyq, buǵan deıin «Ańdar shahary 2» anımatsııalyq fılmi Gollıvýd tarıhynda buryn-sońdy bolmaǵan, eń joǵary kassalyq tabys jınaǵan anımatsııalyq týyndy atandy.