Almatyda 2700 jumysshy men 1200 tehnıka qar tazalap jatyr
ALMATY. KAZINFORM – Almatyda qalyń qarǵa baılanysty kommýnaldyq qyzmet kúsheıtilgen rejımde jumys istep jatyr.
Almatyda 10 naýryz keshki ýaqyttan bastap qar jaýa bastady. Qalalyq qyzmetterdiń málimetinshe, qazirdiń ózinde shamamen 3-4 sm qar jaýǵan. Ony tazalaýǵa 75 jedel brıgada, 2 710 jol salasynyń jumysshysy jáne 1 225 tehnıka tartyldy. 200-den astam jol tazalaıtyn tehnıka jolǵa kóktaıǵaqqa qarsy arnaıy materıaldar septi. Sebý jumystary bitken soń, tehnıka 28 brıgadaǵa bólinip, kóshelerdi tazalaý jumystaryna kiristi.
– Qazirgi ýaqytta joldarǵa úshinshi ret qum-tuz qospasy sebilip jatyr. Bul sharalar kóktaıǵaqtyń aldyn alýǵa múmkindik beredi. Qala turǵyndaryna barynsha saq bolý eskertiledi: júrgizýshilerge jyldamdyqty tómendetip, araqashyqtyq saqtaýǵa, al júrginshilerge trotýarlarda abaı bolýǵa keńes beriledi, - dep habarlady ákimdikten.
Eske salaıyq, Almatyda manıpýlıator gaz qubyryn zaqymdap, birneshe úı gazsyz qaldy.
