Almatyda 27-31 qazanda jaryq ýaqytsha óshedi
ALMATY. KAZINFORM – Almatynyń birneshe aýdanynda 27-31 qazan aralyǵynda elektr jelilerine jóndeý júrgiziledi.
«Alataý Jaryq Kompanııasy» málimetinshe, jóndeý jumystary saǵat 08:00-den 17:00-ge deıin josparlanǵan. Keıbir jerlerde jóndeý saǵat 09:00-de bastalady.
27 qazanda Shańyraq-1, Áıgerim-1, Qaraǵaıly, Quramys jáne Aqjar shaǵynaýdandarynda jóndeý jumystary júrgiziledi. Sondaı-aq Sátbaev, Jandosov, Tóle bı, Bógenbaı batyr, Qabanbaı batyr, Qarasaı batyr jáne basqa da kóshelerdiń jekelegen ýchaskelerinde jaryq óshýi múmkin.
28 qazanda jóndeý Áıgerim-1, Shańyraq-1, Aqjar, Jas Qanat, Ermensaı jáne basqa da aýmaqtardy qamtıdy. Sonymen qatar Abaı, Jandosov, Sátbaev, Tóle bı jáne Bógenbaı batyr kósheleriniń jekelegen ýchaskelerinde aqaýdy jóndeý júrgiziledi.
29 qazanda Áıgerim-1, Shańyraq-2, Qalqaman-2, Taýsamaly jáne Aqjar shaǵynaýdandarynda elektr energııasy ýaqytsha óshiriledi. Sondaı-aq Panfılov, Gogol, Manas, Baızaqov jáne basqa da kóshelerdegi jekelegen úıler jaryqsyz qalýy múmkin.
30 qazanda Shańyraq-1 jáne Shańyraq-2 shaǵynaýdandary, sondaı-aq Abylaı han dańǵylynyń, Gogol, Jibek joly, Tóle bı, Sátbaev, Bógenbaı batyr jáne basqa da kóshelerdiń jekelegen ýchaskeleri elektr energııasynan ýaqytsha ajyratylady.
31 qazanda Shapaǵat shaǵynaýdanynda jáne Dúngen kóshesi, 14 mekenjaıynda jóndeý josparlanǵan. Oǵan №23 emhana nysany da engizilgen.
Turǵyndarǵa óz mekenjaılaryn aldyn ala tekserip, kúndelikti isterin josparlaý kezinde jaryq ýaqytsha óshýi múmkin ekenin eskerý usynylady.
Eske salsaq, buǵan deıin Almatyda 19–24 qazan aralyǵynda jaryq óshýi múmkin ekeni aıtyldy.
