Almatyda 2,6 mlrd teńgelik ınvestıtsııalyq jobaǵa kedergi bolǵan másele sheshildi
ASTANA. KAZINFORM — Almatyda quny 2,6 mlrd teńge bolatyn ınvestıtsııalyq jobany iske asyrýǵa kedergi keltirgen ákimshilik tosqaýyl joıyldy.
Másele Investorlardyń quqyqtaryn qorǵaý komıtetiniń aralasýynan keıin sheshilgen.
Bas prokýratýranyń málimetinshe, «Black Biotechnology» JShS organıkalyq mal azyǵyna arnalǵan qospalar óndiretin zaýyt salyp jatyr. Kásiporyn iske qosylǵannan keıin 40 turaqty jumys orny ashylady dep josparlanǵan.
— Jyl basynan beri ınvestor óndiriletin ónimdi otandyq taýar óndirýshiler tizilimine engizý týraly ýákiletti memlekettik organǵa birneshe ret ótinish bergen. Alaıda ár joly «bas tartý» degen jaýap alǵan. Bul kompanııanyń ónimin ótkizý múmkindigin shektep, satý naryǵyn keńeıtýine kedergi keltirgen, — delingen habarlamada.
Bul jaǵdaı kompanııanyń ónimin ótkizý múmkindigin shektep, satý naryǵyn keńeıtýine kedergi keltirgen.
Investorlardyń quqyqtaryn qorǵaý komıteti aralasqannan keıin kásiporyn tıisti tizilimge engizildi. Nátıjesinde ákimshilik kedergi joıylyp, ınvestıtsııalyq jobany ári qaraı júzege asyrýǵa múmkindik berildi.
Zańsyz bas tartýǵa, ákimshilik kedergilerge nemese ınvestıtsııalyq jobalardy iske asyrýǵa zańsyz aralasýǵa tap bolǵan ınvestorlar 115 Call-ortalyǵyna júgine alady.
Eske salaıyq, buǵan deıin Almaty oblysynda ınvestorlardyń jumysyna kedergi keltirgen 18 sheneýnik jazalanǵanyn habarlaǵanbyz.
