Almatyda 24 tamyz velosporttan álem chempıonaty ótedi: Ál-Farabı dańǵyly ýaqytsha jabylady

ALMATY. KAZINFORM — Almatyda 24 tamyz kúni alǵash ret áýesqoı velosporttan Gran Fondo álem chempıonaty ótedi.

Tarıhy bir ǵasyrdan asatyn ýaqyt buryn Italııada bastalǵan bedeli jarysqa Almatyda túrli elderden 500-den astam sportshy jınalmaq. Saıystar 6 jas sanatynda ótedi. Al «Absolıýt» sanaty boıynsha jeńimpaz Gran Fondo World Tour nusqasy boıynsha álem chempıony atanady.

Gran Fondo ashyq formatta uıymdastyrylady, ıaǵnı daıyndyq deńgeıine qaramastan nıet bildirgen barlyq adamdar qatysa alady. Bul jarysqa oraı 24 tamyz kúni saǵat 04:30–dan 09:30–ǵa deıin Ál-Farabı dańǵylyndaǵy qozǵalys Dostyq dańǵylynan Dýlatı kóshesine deıingi aralyqta shekteledi.

— Almatylyqtar men qala qonaqtarynan kóshe qozǵalysyndaǵy ýaqytsha ózgeristerdi eskerýdi jáne sapardy aldyn ala josparlaýdy suraımyz, — dep habarlady qala ákimdiginen.

Eske salaıyq, buǵan deıin qazaqstandyq stýdentter Qytaıdaǵy halyqaralyq jarysta eki altyn medal jeńdi.