Almatyda 24 myńnan astam veıp joıyldy
ALMATY. KAZINFORM - Almatyda veıp aınalymyna qarsy kúres sharalary qalaı júrgizilip jatqany aıtyldy. Bul týrady Óńirlik kommýnıkatsııalar qyzmetiniń alańynda Almaty qalasy PD jergilikti polıtsııa qyzmeti basqarmasy basshysynyń orynbasary Aıtan Eleýsizov baıandady.
Spıker jańa sharalar qabyldaý halyqtyń, ásirese jastardyń densaýlyǵyn temeki ónimderi men elektrondyq temekini tutynýdyń jaǵymsyz saldarlarynan qorǵaýda mańyzdy qadam ekenin aıtty.
- 2024 jyldyń 20 maýsymynan bastap Almatyda veıpterdiń zańsyz aınalymy faktileri boıynsha 23 qylmystyq is qozǵaldy, onyń tórteýi sotta qaralyp, sheshimder kúshine endi. Osy ister aıasynda shegýge arnalǵan 24 300-den astam qurylǵy tárkilenip, joıyldy, - dedi Aıtan Eleýsizov.
Sondaı-aq ol veıpke baılanysty buzýshylyqtardyń quqyqtyq saldaryn túsindirdi. Onyń aıtýynsha, veıpterdi satý jáne taratý 738 myń teńgege deıin aıyppulmen nemese túzetý jumystarymen jazalanady. Olardy óndirý men ákelý 7,4 mln teńgege deıin aıyppul salýǵa, túzeý jumystaryna nemese eki jylǵa deıin bas bostandyǵynan aıyrýǵa ákep soǵýy múmkin.
Toptasyp jasaǵan is – áreketter nemese asa iri tabys tabý sııaqty asa aýyr qylmystarǵa 18,4 mln teńgege deıin aıyppul salynady nemese múlki tárkilenip, bes jylǵa deıin bas bostandyǵynan aıyrylýy múmkin.
Eske salaıyq, buǵan deıin Taldyqorǵanda 1284 dana veıp satpaq bolǵan eki jigit ustalǵanyn jazǵanbyz.
Sondaı-aq, onkolog-dáriger veıp pen elektrondy temeki qaterli istik týdyrýy múmkin ekenin aıtqan bolatyn.
