Almatyda 2,3 mln aǵashqa zııankesterge qarsy bıologııalyq óńdeý jasalady

ALMATY. KAZINFORM – Almatyda aǵashtardyń qalypty jaǵdaıyn saqtaý jáne zııankesterge tózimdiligin arttyrý maqsatynda 29 sáýirden bastap qalanyń jasyl jelegin bıologııalyq óńdeý jumystary bastaldy. Tıimdiligin arttyrý men áserin nyǵaıtý úshin óńdeý jumystary jaýyn-shashyn joq kezde jáne túngi ýaqytta júrgiziledi.

Almaty ákimdiginiń málimetinshe, zııankesterge óńdeýden keıingi áserdi kúsheıtý úshin birinshi kezeńde (vegetatsııa basynda) emender tórt ret, terekter eki retten óńdeledi.

«Jumys barysynda adamdarǵa qustar men janýarlarǵa zııansyz, klımattyq erekshelikterdi eskere otyryp QR aýmaǵynda qoldanýǵa ruqsat etilgen sertıfıkattalǵan qaýiptiligi tómen klassqa jatatyn (P-4) bıologııalyq jáne keıbir kezderde hımııalyq preparattar qoldanylady. Japyraq kemirgish jáne zeń aýrýlaryn qozdyrǵysh zııankesterge qarsy óńdeý jumystarymen 2,3 mln astam aǵashty qamtý josparlanǵan. Zııankester men aýrýlardyń bıologııalyq erekshelikterine qaraı óńdeý jumystary túnde jáne tańǵy ýaqytta júzege asyrylady», - dep habarlady ákimdikte.

Bıyl bıologııalyq óńdeý jumystary ádettegideı tórt kezeńmen júrgiziledi: 29 sáýirden 30 mamyrǵa deıin; 10 maýsymnan 10 shildege deıin; 20 shildeden 20 tamyzǵa deıin jáne 30 tamyzdan 30 qyrkúıekke deıin.

Óńdeý kestesine aýa raıyna baılanysty ózgerister engizilýi múmin.