Almatyda 2040 jylǵa deıin jylý jelilerin jańartý úshin 400 mlrd bólinedi

ALMATY. KAZINFORM – Almatyda qalalyq máslıhatynyń kezekten tys XXVII sessııasy ótti. Jıyn barysynda Almaty qalasyn jylýmen jabdyqtaýdy damytýdyń 2030 jylǵa deıingi jospary talqylandy.

Almaty qalasy Energetıka jáne sýmen jabdyqtaý basqarma basshysynyń mindetin atqarýshy Nurbaqyt Serikbaıdyń aıtýynsha, 2040 jylǵa qaraı megapolıstiń jylý energııasyna qajettiligi 30 paıyzǵa ósedi. Ol bul qajettilikti óteý úshin qoldanystaǵy jylý júıelerin jańǵyrtý jáne jańa energııa kózderin engizý qajet ekenin atap ótti.

Onyń sózinshe, búgingi kúni shahardyń jylý energııasyna qajettiligin 85%-ǵa ótep otyrǵan «AlES» AQ men «ATKE» JShS-yna 2040 jylǵa deıin jylý jelilerin jańartý úshin qomaqty qarjy kerek.

- Jylý jelilerin rekonstrýktsııalaý jáne salý jónindegi jumys bıýdjet qarajaty esebinen qarjylandyrylady. «AlES» AQ aımaǵyna 270 mlrd teńge qajet. Onyń ishinde JEO-2 – batys jylý kesheni jylý magıstraliniń qurylysyna shamamen 55 mlrd teńge jumsalady. «ATKE» JShS aımaǵyna 154 mlrd teńgeden astam qarjy bólý qajet, - dedi Nurbaqyt Serikbaı.

Eske salaıyq, buǵan deıin Almatyda jylý men ystyq sý baǵasy nelikten óskenin jazǵanbyz.