Almatyda 2040 jylǵa deıin ekologııaǵa áser etetin 276 kásiporyn qaladan shyǵarylady
ALMATY. KAZINFORM – Almaty máslıhaty kezekten tys sessııa barysynda megapolıstiń 2040 jylǵa deıingi Bas josparyna engizilgen túzetýlerdi talqylady.
Almaty ákiminiń orynbasary Beıbit Shahanov qala damýyn aıqyndaıtyn qujatta ekologııa máselesine erekshe nazar aýdarylǵanyn aıtty. Onyń sózinshe, qalanyń soltústik, ortalyq jáne batys bólikterinde tarıhı turǵydan qalyptasqan ári ekologııalyq turǵydan zııandy ónerkásiptik kásiporyndar ornalasqan. Olar jańa Bas jospar boıynsha aldaǵy jyldary qala aýmaǵynan tolyqtaı shyǵarylmaq.
- Qalanyń Bas josparyn túzetý jobasynda 2040 jylǵa deıin 276 ónerkásiptik kásiporyndy qaladan shyǵarý kózdelgen. Olardy qaladan shyǵarý jónindegi is-sharalar QR zańnamasynda belgilengen tárippen júzege asyrylady, - dedi qala ákiminiń orynbasary.
Eske salaıyq, depýtattar Almatynyń Bas josparyna ózgeris engizýge kelisim berdi.
