Almatyda 2030 jylǵa deıingi dendrologııalyq jospar ázirlenýde

ASTANA. KAZINFORM – Almaty qalasynda 2030 jylǵa deıingi dendrologııalyq jospar bekitiledi. Kógaldandyrý jáne jasyl qordy damytý máselesi qala ákimi Darhan Satybaldy tóraǵalyǵymen ótken keńeste qaraldy.

Qala ákimdiginiń málimetinshe, búginde jasyl aımaqtar 22,59 myń gektar aýmaqty alyp jatyr. Bul qala aýmaǵynyń 33 paıyzyna teń. Almatyda 4 mıllıonnan astam aǵash ósedi, onyń shamamen 2,3 mıllıony qoǵamdyq oryndarda ornalasqan.

Jospardy ázirleý aıasynda jasyl jelekti túgendeý jumystary júrgiziledi. Atap aıtqanda, dalalyq taksatsııa jasalyp, qalanyń barlyq segiz aýdanyndaǵy topyraqqa taldaý júrgiziledi jáne turaqty tuqymdyq quram qalyptastyrylady. Ár aýdan úshin jeke qujat ázirlenedi.

2026 jyly 550 myńnan astam jasyl jelek otyrǵyzý josparlanǵan. Onyń ishinde 5–6 metrlik 7,2 myń iri kólemdi aǵash, 40 myń kóshet jáne 500 myń kópjyldyq buta bar. Aǵash otyrǵyzý magıstraldyq kósheler boıynda, ózen jaǵalaýlarynda jáne qaıta jańartylyp jatqan kóshelerde júzege asyrylady.

Aıta keteıik, Almatyda brıtandyq Coventry University jańa kampýsy ashylady.