Almatyda 2030 jylǵa deıin 46 medıtsınalyq nysan iske qosylady

ALMATY. KAZINFORM – Almatyda zamanaýı medıtsınalyq mekemelerdiń sanyn kóbeıtý josparlanǵan.

Almaty ákiminiń orynbasary Beıbit Shahanovtyń aıtýynsha, 2030 jylǵa deıin megapolıste jańa 32 medıtsınalyq nysan salynady jáne eski 14 mekeme jańǵyrtylady. Barlyǵy 46 densaýlyq saqtaý mekemesin damytý baǵdarlamasy júzege asyrylyp jatyr. Barlyq jańa nysandar zamanaýı standarttarǵa saı salynyp, klınıkalyq-dıagnostıkalyq ortalyqtarmen jabdyqtalmaq.

Qazirdiń qalada 8 jańa medıtsınalyq nysannyń qurylysy júrip jatyr. Olardyń qatarynda:

- 500 adamǵa arnalǵan 2 emhana – Serkebaev kóshesinde jáne «Quramys» shaǵyn aýdanynda;

- 400 adam qabyldaıtyn 2 dárigerlik ambýlatorııa – «Saıaly» shaǵynaýdanynda jáne Aıbasov kóshesinde;

- Jylyna 50 myń shaqyrtýǵa eseptelgen 4 jedel járdem qosalqy stantsııasy.

Sonymen qatar №16 emhana, №4 emhana jáne №7 qalalyq klınıkalyq aýrýhanada seısmıkalyq kúsheıtý jáne qaıta jańartý jumystary júrip jatyr. Olardy jyldyń sońyna deıin aıaqtaý josparlanǵan.

Eske salaıyq, buǵan deıin Almatyda úsh emhana kúrdeli jóndeýden ótkenin jazǵanbyz.