Almatyda 2027 jyly qala ortalyǵynda pırotehnıka qoldanýǵa tyıym salynady
ALMATY. KAZINFORM – Almatyda 2027 jyldyń 8 qańtarynan bastap tómen shyǵaryndylar aımaǵynda (LEZ) atmosferalyq aýany qorǵaýǵa baǵyttalǵan birqatar ekologııalyq talap kúshine enedi.
Almatynyń Ekologııa jáne qorshaǵan orta basqarmasynyń málimetinshe, kelesi jyly kúshine enetin tyıymdardyń biri - pırotehnıkalyq buıymdardy qoldaný, ıaǵnı otshashý. Jańa talap Almaty qalasynyń Atmosferalyq aýany qorǵaý qaǵıdalarynda qarastyrylǵan.
- Bul shekteý turǵyndar erkin satyp ala alatyn petarda, otshashý, salıýt jáne basqa da pırotehnıkalyq ónimderge qatysty bolady. Degenmen bul norma Almatynyń barlyq aýmaǵynda birden qoldanylady degendi bildirmeıdi. Shekteý tek tómen shyǵaryndylar aımaǵynyń shekarasy belgilengennen keıin sol aýmaqta kúshine enedi, - dep habarlady basqarmadan.
Eske salaıyq, qazir Almatynyń Bógenbaı batyr, Jeltoqsan kóshesi, Abaı dańǵyly jáne Dostyq dańǵyly arasynda ornalasqan aýmaǵynda pılottyq rejımde LEZ aımaǵy jumys istep tur.
Buǵan deıin Ekologııa jáne qorshaǵan orta basqarmasy basshysynyń orynbasary Arshat Bahtygereev pılottyq aımaqta 134 jol belgisi ornatylyp, 15 kóshege jol tańbasy salynǵanyn atap ótti.
