Almatyda 2026 jyly 250 shaqyrym jol jóndeledi
ALMATY. KAZINFORM – Almaty ákimdigi jol ınfraqurylymyna baılanysty kelesi jylǵa arnalǵan josparyn jarııalady.
Qala ákimdiginiń málimetinshe, 2026 jyly qalanyń túrli shaǵyn aýdandarynda 250 shaqyrym jolǵa ortasha jóndeý júrgizý josparlanǵan. Odan bólek 70 shaqyrym jańa jol salý kózdeledi.
- Sondaı-aq qala basshysy «Qalqaman» metro beketiniń, Raıymbek batyr dańǵylyndaǵy BRT jelisiniń qurylysyn ýaqytynda aıaqtaý, sondaı-aq magıstraldyq kóshelerdi uzartý jumystaryn jalǵastyrý qajettigin aıtty, - dep habarlady ákimdikten.
Eske salaıyq, 2026 jyly jol-ınfraqurylymyna baılanysty aıaqtalatyn iri jobalardyń biri - Saın dańǵylynyń uzartylǵan bóliginiń ashylýy. Búginde joldyń 3,2 shaqyrymynyń 1,8 shaqyrymy salyndy. Qalǵan bóliginde 110 kV joǵary kerneýli jelisin qaıta ornalastyrý jumystary júrip jatyr. Alataý aýdanynyń ákimi Danııar Qyryqbaev Saın kóshesin uzartý boıynsha jumystar 2026 jyly aıaqtalatynyn atap ótti.
Sondaı-aq Almaty ákimdigi «Qalqaman» metro beketiniń qurylysyn 2026 jyldyń alǵashqy jartysynda aıaqtaýdy josparlap otyr.