Almatyda 2026-2030 jyldarǵa arnalǵan qalany damytý jospary qabyldandy
ALMATY. KAZINFORM — Almatyda 2026-2030 jyldarǵa arnalǵan qalany damytý jospary qabyldandy. Bul týraly Almaty ákimi Darhan Satybaldy Ortalyq kommýnıkatsııalar qyzmetiniń alańynda ótken brıfıng kezinde aıtty.
Almatynyń 2026-2030 jyldarǵa arnalǵan jańa damý jospary Memleket basshysy aıqyndaǵan strategııalyq mindetterge negizdelgen. Qujat shahardyń ornyqty damýyn qamtamasyz etýge baǵyttalǵan.
Negizgi basymdyqtar qatarynda kólik júıesin jan-jaqty damytý, qolaıly qalalyq ortany qalyptastyrý, áleýmettik turaqtylyqty nyǵaıtý, ekologııalyq bastamalardy qoldaý, tsıfrlyq transformatsııany jedeldetý jáne qaýipsizdik deńgeıin arttyrý kózdelgen.
— Aldaǵy bes jyl ishinde Almatynyń jalpy óńirlik ónim kólemin 70 trln teńgege deıin, ıaǵnı shamamen eki esege ulǵaıtý josparlanyp otyr, — dedi qala basshysy.
Eske salaıyq, buǵan deıin Almatyda 1,9 trln teńge ınvestıtsııa tartylyp, ekonomıka 6,4%-ǵa ulǵaıǵanyn habarlaǵanbyz.