Almatyda 2025 jyly qansha mektep avtobýsy satyp alynady
ALMATY. KAZINFORM — Bıyl Almatyda shalǵaı aýdandardan oqýshylardy tasymaldaý úshin taǵy 100 mektep avtobýsy satyp alynady.
Almaty ákimdiginen málim etkendeı, 2024 jyly mektep avtobýstarynyń sany 200 birlikke deıin artty, bul 15,3 myń oqýshyny tasymaldaýǵa múmkindik berdi.
2025 jyly Almaty ákimi Erbolat Dosaevtyń tapsyrmasymen avtobýstar sany taǵy 100 birlikke kóbeıtilip, oqýshylardy oqý oryndaryna qaýipsiz jáne yńǵaıly jetkizýge jol ashady.
— Buǵan deıin avtobýstar shalǵaı jáne jetýi qıyn aýdandarda turatyn balalar oqıtyn mektepterden túsken ótinimderge sáıkes marshrýttarǵa shyǵatyn. Bul mektep avtobýstaryn bólý kezindegi basymdyqtardyń biri. Ár mektep úshin oqýshylardy tasymaldaýdy qamtamasyz etý maqsatynda egjeı-tegjeıli marshrýttyq paraqtar ázirlenedi, — dep habarlady qalalyq bilim basqarmasynan.
Byltyr megapolıste 11,7 myń oqýshy ornymen qamtamasyz etken 18 bilim berý nysany salyndy. Osy sharalardyń arqasynda kelesi oqý jylyna deıin oryn tapshylyǵy 3 - 4 myń orynǵa deıin qysqarady.
Eske salaıyq, 2023 jyly 29 mektepte 7,7 myń oqýshyǵa arnalǵan «Mektep avtobýsy» pılottyq jobasy iske qosylǵan bolatyn.
