Almatyda 2025 jyly «Invataksı» avtoparkin ulǵaıtý josparlanyp otyr
ALMATY. KAZINFORM — Almatyda «Invataksı» qyzmetin paıdalanýshylar sany artty. Osyǵan baılanysty avtokólikterdiń sany 130-ǵa deıin ulǵaıtylady. Bul týraly qala máslıhaty málim etti.
— Almatyda «Invataksı» qyzmetine suranys joǵary. Osyǵan oraı avtokólikterdiń sany 130-ǵa deıin ulǵaıtylady, bul 2,7 myńnan astam múgedek adamdy kólik qyzmetimen qamtýǵa múmkindik beredi. Aı saıyn «Invataksı» arqyly 30 myńnan astam qyzmet kórsetiledi. 2025-2027 jyldarǵa arnalǵan bıýdjettiń tıisti jobasy máslıhattyń aldaǵy sessııasynda qaralady,— dep atap ótti qalalyq máslıhattyń baspasóz qyzmetinen.
Budan basqa, Almaty ákimi Erbolat Dosaevtyń tapsyrmasy boıynsha 2025 jyldyń 1 sáýirine deıin «Investıtsııa ornyna tarıf» baǵdarlamasy aıasynda azamattardyń segiz sanaty úshin ótemaqy tóleý jalǵasady, bul kommýnaldyq qyzmetter tarıfteriniń ósýin óteýge múmkindik beredi.
Osyǵan deıin Almatyǵa elektr qýatymen júretin 200 jáne gazben júretin 600 avtobýs satyp alynatyny týraly jazǵan edik.