Almatyda 2025 jyly Abaı jáne Saın kóshelerin uzartý jumystary tolyq aıaqtalady

ALMATY. KAZINFORM — Almatyda kelesi jyly birqatar jolaıryqtar ashylyp, uzartylǵan kósheler qoldanysqa berilmek. Bul týraly qalalyq máslıhattyń baspasóz qyzmeti habarlady.

Máselen, 2025 jyly Seıfýllın dańǵyly — Jansúgirov kóshesiniń qıylysynda jáne Rysqulov dańǵylynan Aqyn Sara kóshesine deıingi Saın kóshesiniń, sondaı-aq Abaı dańǵylynyń qala shekarasyna deıingi qıylysynyń qurylysyn aıaqtaý josparlanǵan.

Kelesi jyldyń shilde aıynda Saın kóshesi Rysqulov dańǵylynan Aqyn Sara kóshesine deıin jalpy uzyndyǵy 3,2 shaqyrymǵk uzartylady, sonyń arqasynda Momyshuly kóshesinen kólik júktemesiniń 40%-ǵa tómendeýi kútilip otyr.

Sondaı-aq mamyr aıynda Abaı dańǵylynyń B.Momyshuly kóshesinen qala shekarasyna deıingi aralyǵy paıdalanýǵa beriledi. Uzartylǵan kósheniń jalpy uzyndyǵy — 5,3 km. Joldyń eki jaǵynda alty jolaqty bolady jáne velojoldar men trotýarlar bar.

Maýsym aıynda Jansúgirov kóshesi men Seıfýllın dańǵylynyń qıylysyndaǵy jolaıryqtyń irgeles aýmaǵyn abattandyryp, qurylysty tolyq aıaqtaý josparlanǵan.

— Joba Seıfýllın dańǵylynda kóliktiń úzdiksiz qozǵalysyn qamtamasyz etý úshin jalpy uzyndyǵy 690 metr bolatyn 2 tonnel salýdy kózdeıdi. Kólik quraldary Jansúgirov kóshesi boıynsha ótetin bolady. Sondaı-aq 4 jerústi jaıaý júrginshiler ótkelin salý, trotýarlar jáne kógaldandyrý jumystary qarastyrylǵan, — dep habarlady máslıhattan.

Eske salaıyq, buǵan deıin Almatyda jańa úlgidegi kólik turaqtary paıda bolatynyn jazǵanbyz.