Almatyda 200-den astam adam velosherýge qatysty
ASTANA. KAZINFORM — Almatyda Jeńis kúninen oraı, buqaralyq velosherý uıymdastyryldy. Іs-sharaǵa 200-den astam velosport áýesqoıy qatysty.
Velosherý qalanyń ortalyq kósheleri arqyly ótti.
— Qatysýshylar saparyn «Nurly Taý» bıznes ortalyǵynan bastap, Ál-Farabı dańǵyly, Saın, Rysqulov dańǵyldary, Shyǵys aınalma joly, Tóle bı, Qonaev jáne Gogol kóshelerimen júrip ótti. Velosherý 28 gvardııa-panfılovshylar atyndaǵy saıabaqta máresine jetti. Jalpy marshrýt uzyndyǵy 40 shaqyrym boldy, — delingen aqparatta.
Іs-shara sońynda qatysýshylar Uly Otan soǵysy batyrlarynyń rýhyna taǵzym etip, Máńgilik alaýǵa gúl shoqtaryn qoıdy.
Aıta keteıik, Astanada trektegi velosporttan halyqaralyq týrnır ótedi.
