Almatyda 20 jyl qujatsyz júrgen zeınetker jeke kýálik aldy

ALMATY. KAZINFORM – Almatynyń kóshi-qon qyzmetiniń qyzmetkerleri 20 jyl qujatsyz ómir súrgen áıelge kómektesti. 

Qazaqstan polıtsııasy kúnine arnalǵan naýqan aıasynda Almaty kóshi-qon qyzmetiniń qyzmetkerleri qıyn ómirlik jaǵdaıǵa tap bolǵan azamattarǵa kómek kórsetip jatyr.

Polıtsııa departamentiniń málimetinshe, naýqan kezinde 20 jyl boıy tıisti qujattarsyz ómir súrip kelgen 1964 jylǵy áıel anyqtaldy. 

– Qujattyń uzaq ýaqyt bolmaýyna 1974 jylǵy úlgidegi keńestik «qyzyl» tólqujattyń joǵalýy sebep bolǵan. Áıel qıyn jaǵdaıǵa tap bolǵan: ol zeınetaqy tólemderin rásimdeı almady, turaqty baspanasy bolmady. Kóshi-qon qyzmeti kómeginiń arqasynda, qajetti rastaıtyn qujattardy jınaqtaǵannan keıin áıel Qazaqstan Respýblıkasynyń azamaty bolyp tanylyp, jeke kýálik berildi, - dep habarlady departamentten.

Eske salaıyq, buǵan deıin ShQO turǵyny 30 jyldan astam ýaqyt esh qujatsyz ómir súrgenin jazǵanbyz.