Almatyda 20 jastaǵy jigitti pyshaqtap ketti: marqumnyń sportshy ekeni belgili boldy

ALMATY. KAZINFORM – Almatyda kisi qolynan qaza tapqan jas jigit kásibı kıkboksshy Álı Serik bolyp shyqty.

Qazaqstannyń Mýaı-taı federatsııasy sportshynyń otbasyna kóńil aıtty.

– Almaty qalasynan qaraly habar keldi. Mýaıtaıdan eresekter arasynda álem chempıony Serik Alı buzaqylar qolynan qaza tapty. Chempıonymyzdyń otbasyna, týǵan-týystaryna qaıǵyra kóńil aıtymyz. Bekem bolyńyz,– delingen habarlamada. 

Aıta keteıik, Álı Serik — jeńil salmaqta (58 kg) óner kórsetken 20 jastaǵy kıkboksshy, halyqaralyq týrnırlerde el namysyn qorǵaǵan sportshy.

Osyǵan deıin, Almatyda 20 jastaǵy jigitti janjal kezinde pyshaqtap ketkeni týraly jazǵan edik. Kúdikti ustalyp, qylmystyq is qozǵaldy.