Almatyda 20 adam týrfırmalardyń birine aldanyp qaldy

ALMATY. KAZINFORM – 20 almatylyq týrfırmanyń alaıaqtyǵynan zardap shekti.

Almaty qalalyq Polıtsııa departamentiniń málimetinshe, shahardyń kem degende 20 turǵyny demalyssyz qaldy. Olar týrıstik agenttikke senip, týr aqysyn aldyn ala tólep qoıǵan.

«Aldanǵan azamattar polıtsııaǵa júgindi. Almaly aýdandyq polıtsııa basqarmasynyń qyzmetkerleri týrıstik fırmanyń 26 jastaǵy dırektoryn ustady. Aldaýdyń barlyq epızodtary bir iske biriktirilgen. Birneshe ret alaıaqtyq jasaǵany boıynsha sotqa deıingi tergeý júrgizilýde», - dep habarlady vedomstvodan.

Polıtseıler kúdiktiniń zańsyz áreketinen zardap shekkenderdi Almaly aýdandyq PB-ǵa júginýge nemese myna telefon nómirlerine habarlasýǵa shaqyrady: 8-707-306-06-04; 8-702-066-50-73; 254-46-12.

Osyǵan deıin Almaty polıtsııasy kúsheıtilgen rejımge kóshkeni týraly jazǵan edik. 

Aıta keteıik, megapolıste kún saıyn 2 myńnan astam polıtsııa qyzmetkeri quqyqtyq tártipti qadaǵalaıdy.