Almatyda 2 mln teńgege jol erejesin buzǵan júrgizýshi ustaldy

ALMATY. KAZINFORM – Almatyda 2 mln teńgeden astam somaǵa 73 ret jol qozǵalysy erejesin buzǵan júrgizýshi ustaldy.

Seıfýllın dańǵyly men Maqataev kóshesiniń qıylysynda polıtsııa qyzmetkerleri toqtatqan Toyota Land Cruiser kólik ıesiniń jol qozǵalysy erejesin 73 ret buzǵany anyqtaldy. Aıyppuldyń jalpy somasy 2 mıllıon 223 myń teńge.

«Bul buzýshylyqtardyń barlyǵy qalanyń beınejúıeleri arqyly tirkelgen. Sonymen qatar avtokóliktiń memlekettik tirkeý nómirlik belgileri jalǵan ekeni anyqtaldy. Kólik aıyppul turaǵyna jóneltilip, kólik ıesine qatysty eki ákimshilik hattama toltyryldy», – dedi jergilikti polıtsııa qyzmeti basqarmasy bastyǵynyń orynbasary Tımýr Noǵaıbaev.