Almatyda 2 myńnan astam kólik aıyppul turaǵyna qoıyldy

ALMATY. KAZINFORM – Almaty polıtsııasy «Qaýipsiz jol» is-sharasynyń qorytyndysyn jarııalady.

Qalalyq polıtsııa departamentiniń málimetinshe, megapolıste 15-30 qyrkúıek aralyǵynda polıtsııa qyzmetkerleri 16 myńnan astam jol qozǵalysy erejesin buzý derekterin anyqtaǵan. Atap aıtqanda:

• kólikti memlekettik tirkeý nómirinsiz basqarýdyń 266 deregi;

• ruqsatsyz qaıta jabdyqtalǵan kólikti paıdalaný boıynsha 109 derek;

• tehnıkalyq baıqaýdan ótpegen kólikti júrgizýdiń 739 deregi;

• jolaýshylar men júk tasymaldaý talaptaryn buzýdyń 1 myń 241 deregi;

• manevr jasaý erejelerin buzýdyń 1 myń 883 deregi;

• apattyq jaǵdaı týdyrý - 592 derek;

• mas kúıinde kólik basqarý - 105 deregi;

• júrgizýshi kýáliginsiz kólik júrgizý - 657 derek;

• jaıaý júrginshiler tarapynan jol qozǵalysy erejesin buzýdyń 2 myń 435 deregi tirkeldi.

Sonymen qatar, 2 myń 208 avtokólik, onyń ishinde sheteldik tirkeýdegi 89 kólik arnaıy aıyppul turaǵyna qoıylǵan.

- Barlyq jol qozǵalysyna qatysýshylardy erejelerdi qatań saqtaýǵa, bir-birin qurmetteýge shaqyramyz. Qaýipsizdik árqaısymyzǵa baılanysty ekenin este ustańyzdar, – dedi Ákimshilik polıtsııa basqarmasynyń bastyǵy Ashat Qulbaev.

Eske salaıyq, Almaty oblysynda jantúrshigerlik jol apatynan 8 adam mert boldy.