Almatyda 2 myńnan astam kólik aıyppul turaǵyna qoıyldy

ALMATY. KAZINFORM – Almaty qalasynda "STOP buzýshylyq" jedel-profılaktıkalyq is-sharasy ótip jatyr.

Qalalyq polıtsııa departamentiniń málimetinshe, 2 kúnde jol qozǵalysy erejelerin buzýdyń 4 828 deregi anyqtaldy. Reıd barysynda qaýipsizdikke qater tóndiretin óreskel quqyq buzýshylyqtarǵa erekshe nazar aýdaryldy. Atap aıtqanda:

- Kólik quralyn basqarý quqyǵy joq azamattardyń kólik júrgizýiniń 44 deregi;
- Buryn júrgizýshi kýáliginen aıyrylǵan tulǵalardyń qaıtadan kólik basqarýynyń 8 deregi;
- Jalǵan memlekettik nómir paıdalaný boıynsha 8 derek;
- Qarsy qozǵalys jolaǵyna shyǵýdyń 15 deregi anyqtaldy.

- Júrgizilgen sharalar nátıjesinde 2 myńnan astam avtokólik, onyń ishinde sheteldik tirkeýdegi kólikter de arnaıy aıyppul turaǵyna qoıyldy. Qala polıtsııasy kúsheıtilgen rejımde jumys istep jatyr, - dep habarlady polıtsııadan.

Eske salaıyq, Almatyǵa Astana qalasynan, Aqmola, Qaraǵandy jáne Jambyl oblystarynan qosymsha polıtsııa kúshteri tartyldy.