Almatyda 2 baldyq jer silkinisi tirkeldi

ASTANA. KAZINFORM – Jer silkinisiniń oshaǵy Qytaı aýmaǵynda, Almatydan ońtústik-shyǵysqa qaraı 264 shaqyrym jerde jatyr.

«QR TJM «Seısmologııalyk zertteý ınstıtýty» JShS seısmıkalyq stantsııalar jelisi 17 qazan kúni Astana ýaqytymen saǵat 03:23-te jer silkinisin tirkedi. Jer silkinisiniń oshaǵy Qytaı aýmaǵynda, Almatydan ońtústik-shyǵysqa qaraı 264 shaqyrym jerde ornalasqan. Qarqyndylyǵy (balmen) Almatyda 2 ball boldy», - delingen jedel habarlamada.

Osyǵan deıin Almatyda Mass Alert jer silkinisin eskertý júıesi synaqtan ótkiziletinin habarlaǵan bolatynbyz.

Osyǵan baılanysty almatylyqtar men qala qonaqtaryna qurylǵylaryn iOS 18 júıesine jańartý qajet. Eger qurylǵy avtomatty túrde jańartylmasa, ony «Baptaýlar – Negizgi – Baǵdarlamalyq jasaqtamany jańartý» dep ózi jańartý kerek.