Almatyda 1979 jyly paıdalanýǵa berilgen qubyr aýystyrylady
ALMATY. KAZINFORM – Almatyda jylý jelilerin jańǵyrtý jumystary júrip jatyr.
Qala ákimdigi Gogol kóshesiniń soltústiginde, Áýezov jáne Rozybakıev kósheleri arasyndaǵy ónerkásiptik aımaqta ornalasqan qubyr aýystyrylatynyn habarlady. Qubyr 1979 jyly paıdalanýǵa berilgen.
– Jalpy uzyndyǵy 1,2 shaqyrym bolatyn jylý trassasy qaladaǵy 120-dan astam nysandy jylýmen qamtamasyz etedi. Almaly jáne Jetisý aýdandarynyń turǵyndaryn jazǵy maýsymda turaqty ystyq sýmen qamtamasyz etý úshin ýaqytsha qubyr jelisi tartylady, - dep habarlady «Almaty jylý júıesi» JShS.
Ýaqytsha qubyr jelisin qosý úshin 2025 jyldyń 2 mamyrynda saǵat 9:00-den 17:00-ge deıin Tóle bı – Karımov – Rysqulov – Chokın kósheleriniń aýmaǵyndaǵy birneshe turǵyn jáne basqa da ǵımarattarǵa ystyq sý berý shekteledi.
Jalpy bıyl qala boıynsha 39 km jylý jelisin rekonstrýktsııalaý josparlanǵan.
Eske salaıyq, buǵan deıin Qonaev qalasynda 1 kún ystyq sý bolmaıtynyn jazǵanbyz.