Almatyda 19 sáýir kúni ótetin jartylaı marafonǵa baılanysty birqatar kóshe jabylady
ALMATY. KAZINFORM – Almatyda 19 sáýirde jartylaı marafon ótedi.
Almaty ákimdiginiń málimetinshe, bıyl jarysqa álemniń 44 elinen 10 myńnan astam adam qatysady. Marafon kúni qalada jol qozǵalysy ishinara shektelmek.
Jarys tańǵy saǵat 07:00-de Tuńǵysh Prezıdent saıabaǵynan bastalady. Ál-Farabı dańǵylynyń soltústik jaǵymen Rozybakıev kóshesinen Mustafın kóshesine deıingi jol bóligi 19 sáýir kúni saǵat 00:00-den 12:00-ge deıin jabylady. Ońtústik jaǵy ashyq bolady.
Al Ál-Farabı dańǵylynyń soltústik jaǵymen Rozybakıev kóshesinen Nazarbaev dańǵylyna deıingi qozǵalys saǵat 06:45-ten 09:45-ke deıin jabylady. Ońtústik jaǵy ashyq bolady.
Seıfýllın dańǵylynyń Ál-Farabı dańǵylynan Abaı dańǵylyna deıingi jol ýchaskesindegi qozǵalys saǵat 07:10-nan 09:05-ke deıin tolyǵymen jabylady.
Abaı dańǵylynyń ońtústik jaǵymen Saın kóshesinen Baıtursynov kóshesine deıingi qozǵalys saǵat 08:50-den 11:15-ke deıin jabylady. Soltústik jaǵy avtokólik qozǵalysy úshin ashyq bolady.
Abaı dańǵylynyń ońtústik jaǵymen Seıfýllın dańǵylynan Baıtursynov kóshesine deıingi qozǵalys saǵat 07:20-dan 09:15-ke deıin jabylady. Soltústik jaǵy avtokólik qozǵalysy úshin ashyq bolady.
Saın kóshesiniń shyǵys jaǵymen Ál-Farabı dańǵylynan Abaı dańǵylyna deıingi qozǵalys saǵat 08:30-dan 10:20-ǵa deıin jabylady. Batys jaǵy avtokólik qozǵalysy úshin ashyq bolady.
- Sóre Ál-Farabı dańǵyly boıyndaǵy Tuńǵysh Prezıdent saıabaǵy mańynan bastalyp, máre Ortalyq stadıonda aıaqtalady. Saǵat 07:00–de 10 km qashyqtyqqa júgirý jáne skandınavııalyq júris bastalady. Al saǵat 08:15-te 21 km qashyqtyqqa qatysýshylar jarys jolyna shyǵady, - dep habarlady ákimdikten.
Eske salaıyq, dál osy kúni Beıjiń jartylaı marafonynda robottar adamdarmen birge júgiredi.
