Almatyda 186 myń beınebaqylaý kamerasy jumys istep tur
ALMATY. KAZINFORM – Almaty qalasy polıtsııa departamentiniń bastyǵy Aıdyn Kabduldınov 2025 jyldyń qorytyndysyn jarııalady.
Onyń aıtýynsha, byltyr quqyq buzýshylyqtar sany 11,9%-ǵa, qylmystar sany 11,8%-ǵa azaıǵan. Aýyr jáne asa aýyr qylmystar 3,8% tómendegen. Onyń ishinde kisi óltirý, qaraqshylyq, tonaý jáne urlyq sııaqty qylmys túrleriniń azaıǵany baıqalǵan.
Aıdyn Kabduldınov qaýipsizdikti qamtamasyz etýdiń negizgi quraldarynyń biri – tsıfrlandyrý ekenin atap ótti. Qazir Almaty qalasynda 186 myńnan astam beınebaqylaý kamerasy bar, onyń 66 myńnan astamy jedel basqarý ortalyǵyna qosylǵan.
– Olardyń kómegimen shamamen 1,5 myń qylmys ashylyp, 9 myńǵa jýyq ákimshilik quqyq buzýshylyqtyń joly kesildi. Kameralar – jazalaý quraly emes, eń aldymen quqyq buzýshylyqtyń aldyn alý men azamattardy qorǵaýdyń tıimdi tetigi, - dedi departament basshysy.
Al mektepter men balabaqshalarda 17 myńnan astam kamera ornatylǵan jáne memlekettik bilim berý uıymdary 100% polıtsııamen baılanysy bar dabyl túımelerimen qamtamasyz etilgen. Sonymen qatar 15 myńnan astam kamerada jasandy ıntellekt elementteri qoldanylyp júr.
Eske salaıyq, buǵan deıin Almaty qalasy polıtsııa departamentiniń bastyǵy Aıdyn Qabduldınov Ál-Farabı dańǵylynda bolǵan jol apatyna baılanysty pikir bildirdi.
Keıin Іshki ister mınıstri Erjan Sadenov polıtsııa departamentindegi birqatar basshy qyzmetinen bosatylǵanyn habarlady.