Almatyda 180 myń lıtrden astam ónim men 1 mln-nan asa qorap kontrafakt tárkilendi
ALMATY. KAZINFORM – Almatyda aktsızdeletin taýarlardyń zańsyz aınalymyna qarsy júrgizilgen tekserister nátıjesinde iri kólemdegi alkogol, temeki jáne munaı ónimderi tárkilendi. Bul týraly qalalyq memlekettik kirister departamenti habarlady.
Vedomstvonyń málimetinshe, 2025 jyldyń on aıynda júrgizilgen reıdter men taldaý sharalary barysynda zańsyz ónimderdi tasymaldaý jáne saqtaý faktileri jıilegen.
Nátıjesinde tómendegi kólemdegi kontrafakt anyqtalyp, aınalymnan alyndy:
• 180,2 myń lıtr alkogol ónimi;
• 1 mln-nan astam qorap temeki;
• 10 myń tonnadan astam munaı ónimi.
Departament quqyq buzýshylyqtyń basym bóligi lıtsenzııasyz saýda jasaý, taýarǵa ilespe qujattardyń bolmaýy jáne temeki ónimderiniń tańbalanbaýy sııaqty zań talaptaryn óreskel buzýmen baılanysty ekenin atap ótti.
Zańsyz ónimderdi anyqtaý elektrondy aqparattyq júıelerdegi (EShF AJ, TTQ AJ, SÁIJ, E-lıtsenzııalaý) derekterdi taldaý, sondaı-aq quqyq qorǵaý organdarymen birlesken reıdter men azamattardyń shaǵymy aıasynda júrgiziledi.
Aıta keteıik, turǵyndar alkogol men temeki ónimderiniń túpnusqalyǵyn e-Sapa jáne NAQTY ONIM mobıldi qosymshalary arqyly teksere alady.
Eske salaıyq, buǵan deıin Qonaevta aktsızdelmegen 4 tonnadan astam alkogoldik ónim joıylǵanyn jazǵan edik.