Almatyda 18 myńnan astam qorap zańsyz temeki ónimi anyqtaldy

ALMATY. KAZINFORM – Almaty qalasy boıynsha Memlekettik kirister departamentiniń qyzmetkerleri kontrafaktilik temeki ónimderin tárkiledi.

– Kodtary joq (sáıkestendirý quraldary) jáne anyqtalmaǵan úlgi kodtary bar 18 603 qorap temeki tabyldy. Zańsyz ónimniń jalpy quny shamamen 17 mln teńge,– dep habarlady departamentten.

Materıaldar is júrgizý sheshimin qabyldaý úshin Almaty qalasynyń sotyna jiberildi.

Aıta keteıik, bul úshin ákimshilik jáne qylmystyq jaýapkershilik qarastyrylǵan.

– Tárkilengen aktsızdeletin ónim azamattardyń ómiri men densaýlyǵyna eleýli qaýip tóndiredi. Departament azamattardy shyǵý tegi kúmándi temeki ónimderin satyp alý kezinde saq bolýǵa shaqyrady.Temeki ónimderine (sáıkestendirý quraldaryna) salynǵan kodtardyń túpnusqalyǵyn «NAQTY ONIM» mobıldik qosymshasynyń kómegimen tekserýge bolady,– dep atap ótti Memlekettik kirister departamentinen.

Eske salaıyq, buǵan deıin Almatyǵa 31 mln-nan astam teńgeniń kontrafaktilik ónimi ákelingeni týraly jazǵan edik.