Almatyda 1700 lıtr kompot qaınatylyp, Gınness rekordtar kitabyna endi
ALMATY. KAZINFORM - Almatyda qala kúnine oraı Tuńǵysh Prezıdent saıabaǵynda ótken Apple Fest festıvali aıasynda 1700 lıtr alma kompoty daıyndaldy. Festıval tarıhynda mundaı nátıje alǵash ret bolyp otyr jáne Gınnestiń rekordtar kitabyna endi. Bul týraly Almaty ákimdiginiń baspasóz qyzmeti habarlady.
Sýsyn satýdan túsken qarajat qala saıabaqtary úshin qus úılerin, qorektendirgishterdi, aǵash kóshetteri men butalardy satyp alýǵa baǵyttalady.
Apple Fest festıvaline bıyl 50 almatylyq baý-baqsha sharýashylyǵy 130 tonnadan astam alma, sonyń ishinde tanymal «aport» sortyn ákeldi. Sondaı-aq, saıabaq aýmaǵynda Shapıto tsırki ashyldy. Bul tsırk óz jumysyn 25 qyrkúıekke deıin jalǵastyrady.
Eske salaıyq, Toǵyz adam Almaty qalasynyń qurmetti azamaty atandy.
Sondaı-aq almatylyqtar merekelik kontsertten keıin qoqysty jınap ketti.
