Almatyda 17 jastaǵy oqýshy qyz ózine qol jumsady

ALMATY. KAZINFORM — Almatyda 17 jastaǵy mektep oqýshysy qaıǵyly jaǵdaıda qaza tapty. 

Jasóspirim 3 qyrkúıekte ózine qol jumsaǵan.

Almaty Polıtsııa departamentiniń baspasóz qyzmeti bul oqıǵaǵa qatysty túsinik berdi.

— Atalǵan derek boıynsha Medeý aýdandyq polıtsııa basqarmasy qylmystyq is qozǵady. Oqıǵanyń mán-jaıy men sebepteri anyqtalyp jatyr, — delingen habarlamada.

Eske salaıyq, buǵan deıin Tarazda 15 jastaǵy jasóspirim sýıtsıd jasaǵanyn jazǵanbyz.

Kýágerlerdiń aıtýynsha, jasóspirimniń máıitin onyń kenje qaryndasy taýyp alǵan. Jedel járdem birden shaqyrylǵanymen, mektep oqýshysyn qutqarý múmkin bolmady.