Almatyda 17 boryshkerge alımentten jaltarǵany úshin is qozǵaldy
ASTANA. KAZINFORM – Almaty qalasynyń prokýratýrasy kámeletke tolmaǵandardyń ýaqtyly alıment alý quqyǵyn qorǵaý jumysyn kúsheıtip jatyr.
Negizgi baǵyttardyń biri bolyp, tabystaryn jasyrý faktilerin qosa alǵanda, josyqsyz alıment tóleýshilerdiń mindettemelerdi oryndaýyn qadaǵalaý.
— Júrgizilgen taldaý barysynda alıment boıynsha 3 419 250 teńge mólsherinde bereshegi bola tura, boryshkerlerdiń biri «Y.Taxi Qazaqstan» JShS arqyly 1 498 023 teńgeden astam tabys tapqany jáne úsh aıdan astam ýaqyt boıy alıment tóleý jónindegi mindettemelerin qasaqana oryndaýdan jaltarǵandyǵy anyqtaldy, — delingen Almaty qalasy prokýratýrasy habarlamasynda.
2026 jyldyń basynan bastap prokýratýranyń bastamasymen alıment tóleýden jaltarǵan 17 boryshkerge qatysty QK-niń 139-babymen qylmystyq ister tirkeldi.
Sonymen qatar ÁQBtK-niń 669-babymen alıment óndirip alý týraly sot aktilerin oryndamaǵany úshin 95 boryshker ákimshilik jaýaptylyqqa tartyldy.
Qabyldanǵan sharalardyń nátıjesinde 350 balanyń paıdasyna 400 mln teńgeden astam somaǵa alıment boıynsha bereshek óteldi.
— Almaty qalasynyń prokýratýrasy kámeletke tolmaǵan balalardy kútip-baǵý mindeti ata-analarǵa júktelgenin eske salady jáne barlyq ata-anany balalar aldyndaǵy óz mindetterin ýaqtyly oryndaýǵa shaqyrady. Alıment tóleýden jaltarý, ákimshilik (ÁQBtK-niń 669-baby) jáne qylmystyq jaýaptylyqqa (QK-niń 139-baby) ákep soǵady, — delingen habarlamada.
Aıta ketelik elordada alıment tóleýden jaltarǵandarǵa jaza kúsheıedi.