Almatyda 16 jyldaı qurylysy toqtap turǵan kópqabatty avtoturaq súrilip jatyr

ALMATY. KAZINFORM – Ál-farabı dańǵylynyń soltústigi men Meńdiqulov býlvarynyń batysynda aıaqtalmaı qalǵan kópdeńgeıli parkıng buzylady.

Qala qurylysyn baqylaý basqarmasynyń málimetinshe, 2007 jyly «SERT» AQ jalǵa alý ýchaskesinde 5 deńgeıli parkıng salýǵa kirisken. 2009 jyldyń aıaǵynan bastap qurylys-montaj jumystary 1-2 qabat deńgeıinde toqtap qaldy.

2015 jyly ýaqytsha jer paıdalaný quqyǵy da toqtatyldy, sodan keıin «Seısmostroızaşıta» JShS mamandary obektiniń tirek jáne qorshaý konstrýktsııalaryna tekserý júrgizdi. Sarapshylar negizgi tirek konstrýktsııalarynyń tehnıkalyq jaı-kúıi týraly qorytyndy berdi. Zertteý nátıjeleri boıynsha qoldanystaǵy konstrýktsııalardy bólshekteý usynyldy.

- Basqarmadan sotqa aıaqtalmaǵan obektini buzý týraly talap aryz berildi. Sottyń 2018 jylǵy 25 sáýirdegi qaýlysymen talap - aryzdar qanaǵattandyryldy. Aıaqtalmaǵan nysandy bólshekteý búgin bastaldy, - dep habarlady basqarmadan.

Eske salaıyq, buǵan deıin Almatyda zańsyz salynǵan kópqabatty úı buzylyp jatqanyn jazǵanbyz.