Almatyda 16 jastaǵy jasóspirimniń ólimine qatysty qylmystyq is qozǵaldy
ALMATY. KAZINFORM – Almatyda kámeletke tolmaǵan jasóspirimniń qaza bolýyna baılanysty qylmystyq is qozǵaldy.
Bul týraly habar áleýmettik jelide tarady.
27 qańtar kúni Bostandyq aýdany aýmaǵynda, Rozybakıev pen Sátbaev kósheleri mańyndaǵy turǵyn úı keshenderiniń birinde 16 jastaǵy jasóspirim bıiktikten qulap, oqıǵa ornynda kóz jumǵan.
Oqıǵa kýágerleriniń aıtýynsha, jasóspirim oqıǵa aldynda jazba qaldyrǵan bolýy múmkin.
Bul faktini Almaty polıtsııa departamentiniń resmı ókili rastady.
– Almatynyń Bostandyq aýdanynyń polıtsııa basqarmasy qylmystyq is qozǵady. Mán-jaıy men sebep-saldary anyqtalyp jatyr, - dedi Saltanat Ázirbek.
Eske salaıyq, buǵan deıin Іshki ister mınıstriniń orynbasary Sanjar Ádilov óz ómirin qıǵan Nazarbaev Ýnıversıtetiniń stýdentterine qatysty isti tergeý amaldary týraly túsinik bergenin jazǵanbyz.