Almatyda 15 naýryzda «Invataksı» qyzmeti tegin bolady
ALMATY. KAZINFORM – Almatyda múgedektigi bar turǵyndar respýblıkalyq referendým ótetin kúni saılaý ýchaskelerine barý úshin «Invataksı» qyzmetin tegin paıdalana alady.
Almaty ákimdiginiń málimetinshe, qyzmet arbamen júretin jáne tirek-qımyl apparaty buzylǵan azamattarǵa, sondaı-aq kórý qabileti buzylǵan adamdarǵa arnalǵan.
– Referendým kúni qalada 170 «Invataksı» avtokóligi jumys isteıdi. Onyń ishinde 36 arnaıy jabdyqtalǵan kólik jáne 2020 jyldan erte shyǵarylmaǵan 134 jeńil avtomobıl bar. Sonymen qatar múgedektigi bar azamattarǵa kólik qyzmetin kórsetý úshin qosymsha 20 kezekshi avtokólik tartylady, - delingen habarlamada.
«Invataksı» qyzmetine dıspetcherlik qyzmetterdiń telefon nómirleri arqyly tapsyrys berýge bolady.
Arbamen qozǵalatyn jáne tirek-qımyl apparaty buzylǵan azamattar úshin:
+7 707 710 60 50;
+7 747 195 35 75;
+7 747 402 64 15.
Kórý qabileti buzylǵan azamattar úshin:
+7 727 338 32 78;
+7 705 980 87 09;
+7 705 831 48 14.
Sondaı-aq referendým kúni kezekshi avtokólikti +7 700 151 0701 nemese 338-30-09 nómirleri arqyly shaqyrýǵa bolady.
– Kórsetilgen nómirlerge turǵyndar «Invataksı» qyzmetiniń sapasyna qatysty suraqtar týyndaǵan jaǵdaıda nemese tasymaldaý barysynda máseleler paıda bolsa da habarlasa alady. Bul is-sharalar azamattardyń erkin qozǵalýyn qamtamasyz etýge jáne respýblıkalyq referendýmǵa qatysý úshin barshaǵa teń múmkindik jasaýǵa baǵyttalǵan, - dep habarlady ákimdik.
Eske salaıyq, buǵan deıin 15 naýryzda Almatynyń qoǵamdyq kólikterinde jol júrý tegin bolatynyn habarlaǵan edik.
