Almatyda 15 naýryzda qoǵamdyq kólik tegin bolady
ALMATY. KAZINFORM – 15 naýryzda Almatynyń qoǵamdyq kólikterinde jol júrý tegin bolady.
Almaty ákimdiginiń málimetinshe, bul sheshim respýblıkalyq referendýmnyń ótkizilýine baılanysty qabyldanyp otyr.
Avtobýs, trolleıbýs jáne metropolıten syndy qalalyq qoǵamdyq kóliktiń barlyq túrinde jolaýshylardan aqy alynbaıdy. Qala turǵyndary men qonaqtary aldaǵy jeksenbi kúni jolaqy tóleý tásiline jáne paıdalanylatyn elektrondy bılet júıesine qaramastan qoǵamdyq kólikti paıdalana alady.
– Bul sheshim qala turǵyndary men qonaqtaryna qolaıly jaǵdaı jasaý jáne daýys berý kúni Almaty boıynsha erkin qatynaýdy qamtamasyz etý maqsatynda qabyldandy, - dep habarlady ákimdikten.
Eske salaıyq, elimizdiń jańa Konstıtýtsııasy boıynsha jalpyhalyqtyq referendým 15 naýryzda ótedi. Buǵan deıin aldaǵy mańyzdy oqıǵaǵa megapolıste daıyndyq qalaı júrip jatqany týraly Almaty qalasy aýmaqtyq referendým komıssııasy túsindirdi.