Almatyda 1,5 myńǵa jýyq jol belgisi jańartyldy
ALMATY. KAZINFORM — Almatyda polıtsııa qyzmetkerleri kóshe-jol jelisine tekserý júrgizip, anyqtalǵan kemshilikterdi joıý boıynsha kommýnaldyq qyzmetterge nusqamalar berdi.
Qalalyq polıtsııa departamentiniń málimetinshe, tekserý jumystary mektepter, balabaqshalar, saýda ortalyqtary men azamattar kóp shoǵyrlanatyn ózge de oryndardyń mańyn qamtydy. Jol belgileriniń jaı-kúıine, jol tańbalarynyń sapasyna erekshe nazar aýdarylǵan. Nátıjesind qazirge deıin 1 400-den astam jol belgisi jańartylyp, 20 myń shaqyrymnan astam jol tańbasy syzyldy.
— Jol qozǵalysy qaýipsizdigi qarapaıym, biraq asa mańyzdy elementterden — anyq jol tańbalary, aıqyn kórinetin belgilerinen bastalady. Ásirese bul bilim berý uıymdary men adamdar kóp shoǵyrlanatyn oryndar mańynda asa ózekti. Bizdiń mindetimiz — osyndaı ýchaskelerdi der kezinde anyqtap, olardy normatıvtik talaptarǵa sáıkestendirýdi qamtamasyz etý, — dedi Almaty qalasy ákimshilik polıtsııa basqarmasynyń bastyǵy Ábdinur Tasybaev.
Eske salaıyq, buǵan deıin Almatynyń jaıaý júrginshiler ótkelinde zamanaýı jaryqtandyrý engizildi.
