Almatyda 15 myń turǵyn JRVI men tumaý juqtyrǵan

ALMATY. KAZINFORM — Almaty qalasyndaǵy JRVI men tumaý aýrýlary boıynsha epıdemıologııalyq jaǵdaı turaqty. Bul týraly Almatynyń bas sanıtarııalyq dárigeri Qasymhan Alpysbaıuly aıtty. 

Onyń sózinshe, ótken aptada jiti respıratorlyq vırýstyq ınfektsııalarymen (JRVI) 15050 adam syrqattanǵan. Oǵan deıingi aptada aýrý juqtyrǵandar sany 15594 boldy.

— Tumaýǵa shaldyqqandardyń basym bóligi balalar — 54,7%, ıaǵnı 8234 jaǵdaı. Qalanyń 155 mektebinde oqýshylar arasynda JRVI-men syrqattanýdyń 458 jaǵdaıy tirkeldi. Sondaı-aq qalada A/H3N2 tıpti (gonkong) tumaý vırýsy, rınovırýs, paragrıpp, adenovırýs, maýsymdyq koronavırýs sııaqty basqa da tumaýǵa jatpaıtyn JRVI vırýstary aınalymda bar, — dedi departament basshysy.

Eske salaıyq, Qazaqstanda koronavırýs juqtyrý deregi 16 ese azaıdy.

Bıyl qańtarda Almatyda 12 myń adam tumaý men JRVI juqtyrǵanyn jazǵanbyz.