Almatyda 15 myń áleýmettik nysan pasporttalady
ALMATY. KAZINFORM – Almaty ákimi Erbolat Dosaevtyń tapsyrmasy boıynsha bıyl qalalyq áleýmettik nysandardy pasporttaý jáne 750 nysandy múmkindigi shekteýli azamattardyń paıdalanýyna beıimdeý josparlanyp otyr.
Qalalyq jumyspen qamtý jáne áleýmettik baǵdarlamalar basqarmasynyń málimetinshe, «Almaty qalasyn damytýdyń 2025 jylǵa deıingi baǵdarlamasy jáne 2030 jylǵa deıingi orta merzimdi perspektıvalar» aıasynda barlyǵy 15 myń nysandy pasporttaý kózdelgen.
«Inklıýzıvti qala qaǵıdattaryn engizý jáne Almatynyń sapaly ınfraqurylymyn damytý – qalalyq ákimdiktiń de, barlyq aýdandyq ákimdiktiń de basty mindeti. Pasporttaý protsesin avtomattandyrý maqsatynda qalanyń sıtýatsııalyq ortalyǵymen birlesip, eńbek shyǵyndaryn qysqartýǵa jáne obektilerdi pasporttaý men beıimdeýdiń barlyq kezeńin naqty ýaqyt rejıminde baqylaýǵa múmkindik beretin derekterdi engizý úshin mobıldi nusqa ázirlendi», - dep atap ótti basqarmadan.
Sondaı-aq 1 900 qoǵamdyq kólik aıaldamasy men 11 metro stantsııasyn pasporttaý obektileriniń tizimine qosý josparda tur.
Sonymen qatar bıyl múgedektigi bar 42 959 adamdy áleýmettik qyzmetter portaly («Invataksı» qyzmetinen basqa) arqyly 16,9 mlrd teńgege ońaltý quraldarymen jáne áleýmettik qyzmettermen qamtamasyz etiledi.
«1 mamyrǵa «Invataksı» tasymaldaý boıynsha qyzmet kórsetý úshin 100 mashına usynylǵan. 422 adam kreslo-arbalarmen, 552 adam sýrdoquraldarmen, 889 adam tıfloquraldarmen, 1 294 adam protezdeýmen jáne ortezdeýmen, 5 097 adam gıgıenalyq quraldarmen, sóıleý protsessorlarymen qamtamasyz etilgen. Sanatorlyq-kýrorttyq emdeý qyzmetterin 1 586 almatylyq, jesteý tili mamanynyń qyzmetin 827 adam, jeke kómekshini 3 265 adam paıdalandy», - dep habarlady qalalyq jumyspen qamtý jáne áleýmettik baǵdarlamalar basqarmasy.
Eske sala keteıik, buǵan deıin Almatynyń birneshe yqsham aýdanynda sý berý ýaqytsha toqtatylǵanyn habarlaǵan edik.
