Almatyda 140 myńnan astam turǵyn kommýnaldyq ótemaqy alady
ALMATY. KAZINFORM — Almaty máslıhatynyń depýtattary 2025 jylǵy 1 sáýirge deıin halyqtyń áleýmettik osal sanattaryna kommýnaldyq qyzmetterge tarıfterdiń kóterilýine ótemaqy tóleýdi 0,8 AEK mólsherinde uzartý týraly sheshimdi biraýyzdan qoldady.
Almatyda qala ákiminiń tapsyrmasy boıynsha «Investıtsııa ornyna tarıf» baǵdarlamasy aıasynda 2023 jyldyń shildesinen bastap jyl ishinde 0,8 AEK mólsherinde aı saıynǵy áleýmettik tólem kórsetildi. Áleýmettik kómektiń bul túrin HÁOT 9 sanatynyń ishinen 140 myńnan astam azamat aldy.
«Biz kommýnaldyq ınfraqurylymnyń joǵary tozýy aıasynda tarıfti kóterýdiń úlken qajettiligi bar ekenin túsinemiz, biraq bul rette Almaty ákimdigi úshin halyqtyń áleýmettik osal sanattaryn qoldaý árqashan basymdyqqa ıe. Kómektiń osy túrin resimdegenderge ótinish berýdiń qajeti joq, olarǵa áleýmettik kómek avtomatty túrde uzartylady», - dedi Jumyspen qamtý jáne áleýmettik baǵdarlamalar basqarmasynyń basshysy Baýyrjan Jaýbasov.
Eske salaıyq, kelesi jyldan bastap Almatyda turǵyn úıdi basqarý tarıfi ózgeredi.
Osyǵan deıin Almaty qalasynyń PIK qaýymdastyǵy kóppáterli turǵyn úılerdi basqarý jáne kútip ustaýdyń mınımaldy tarıfin qaıta qaraýdy usynǵan bolatyn.