Almatyda 140 kólik jýý ornynyń jumysy toqtatyldy
ALMATY. KAZINFORM – Almatynyń kólik jýý oryndarynda sýdy qaıta paıdalaný júıeleri engizilip jatyr.
Energetıka jáne sýmen jabdyqtaý basqarmasynyń basshysy Nurbaqyt Serikbaıdyń aıtýynsha, qazir mundaı júıeler 162 nysanda ornatylǵan jáne onyń 33-i bıyl iske qosylǵan. Sonymen qatar barlyq kólik jýý oryny derekterdi avtomatty túrde jiberetin zamanaýı sý esepteý qurylǵylarymen jabdyqtalǵan.
Al tıisti talapqa sáıkes kelmegeni úshin 2026 jyly 1 mamyrdaǵy jaǵdaı boıynsha megapolıste 146 avtojýý ornynyń jumysy toqtatylǵan.
– Búginde jelilerdi jańǵyrtyp qana qoımaı, sý resýrsyn paıdalanýǵa jaýapkershilikpen qaraý mádenıetin qalyptastyrý mańyzdy. Kólik jýý oryndaryndaǵy qaıta sýmen jabdyqtaý júıesi resýrstardy tutynýdy jáne qala júıesine túsetin júktemeni edáýir azaıtady. Sondyqtan bul baǵyttaǵy baqylaý jalǵasady, - dedi Nurbaqyt Serikbaı.
Eske salaıyq, buǵan deıin Almatyda sý únemdeý tehnologııasyn engizbegen kólik jýý oryndary sýdan ajyratylyp jatqanyn jazǵanbyz.
