Almatyda 14 mamyrda dabyl júıesi iske qosylady
ALMATY. KAZINFORM – Almatyda 14 mamyr saǵat 11:00-de josparly seısmıkalyq jattyǵý ótedi.
Almaty ákimdiginiń málimetinshe, qalada dabyl júıeleri iske qosylyp, mobıldi qosymsha arqyly habarlama jiberiledi.
– «Barshańyzdyń nazaryńyzǵa!» dabylyn estigen jaǵdaıda teledıdar nemese radıony qosyp, mobıldi qosymsha men resmı ınternet-resýrstardaǵy aqparatpen tanysý qajet. Turǵyndarǵa aldyn ala dabyl sómkesin daıyndap, ǵımarattardan, aǵashtardan jáne elektr jelilerinen alys ornalasqan ashyq qaýipsiz alańǵa baratyn baǵytty anyqtap alý usynylady, - delingen habarlamada.
Almatyda halyqty qabyldaýǵa arnalǵan 384 pýnkt uıymdastyrylady.
Aqparatty 2GIS servısindegi «zardap shekken halyqty qabyldaý pýnktteri» suranysy arqyly, sondaı-aq Almaty tótenshe jaǵdaılar departamenti men qala ákimdiginiń resmı saıttarynan oqýǵa bolady.
Eske salaıyq, buǵan deıin Talǵarda tótenshe jaǵdaıǵa qarsy zamanaýı dabyl júıesi qosylatynyn jazǵanbyz.
