Almatyda 131 moped aıyppul turaǵyna qoıyldy
ALMATY. KAZINFORM — Almatyda «Moped» jedel-aldyn alý is-sharasy ótip jatyr.
Almaty qalasy polıtsııa departamentiniń málimetinshe, mopedter men elektrsamokattardyń qozǵalysyn baqylaýǵa baǵyttalǵan is-shara bastalǵannan beri 637 ákimshilik quqyqbuzýshylyq anyqtalǵan.
Olardyń qatarynda:
• kólik quralyn masań kúıde basqarý — 5 derek;
• memlekettik tirkeý nómirleriniń bolmaýy — 12;
• saqtandyrýsyz kólik basqarý — 46;
• jalǵan nómirmen júrý — 1;
• júrgizý quqyǵynyń bolmaýy — 35;
• júrgizýshi kýáliginen aıyrylǵan adamdardyń kólik basqarýy — 4;
• tehnıkalyq baıqaýdan ótpeý — 47;
• jaıaý júrginshiler ótkelinen ótý erejesin buzý — 8;
• rólde otyryp uıaly telefon qoldaný — 12 derek.
Іs-shara barysynda 131 moped arnaıy aıyppul turaǵyna qoıylǵan.
— Moped júrgizýshileriniń qatysýymen 5 jol-kólik oqıǵasy tirkelip, 3 adam túrli jaraqat alǵan. 2025 jyl — Profılaktıka jyly dep jarııalandy. Biz barlyq moped, elektrsamokat jáne balama kólik quralyn basqarýshylardy jol qozǵalysy erejelerin qatań saqtaýǵa shaqyramyz, — dedi Jergilikti polıtsııa basqarmasynyń bastyǵy Serik Shýmaev.
Eske salaıyq, buǵan deıin aptap ystyqqa baılanysty úlken tasjoldarda polıtsııa kúsheıtilgen rejımde qyzmet etip jatqanyn jazǵanbyz.
