Almatyda 13 jezóksheler úıi anyqtaldy
Almatyda jezóksheler úıin anyqtaý maqsatynda qalalyq polıtsııa departamentiniń Uıymdasqan qylmysqa qarsy kúres basqarmasynyń qyzmetkerleri reıd ótkizdi, dep habarlaıdy Kazinform.
Polıtsııanyń málimetinshe, ótken demalys kúnderi Almatyda bodı-massaj salondary túrinde qyzmet kórsetken 13 jezóksheler úıi anyqtaldy. Onda 51 jeńil júristi qyz ıntımdik qyzmet kórsetken, onyń 14-i Ózbekstan jáne Qyrǵyzstan azamattary ekendigi anyqtaldy. Olar polıtsııa departamentiniń qabyldap-taratý ornyna ákelindi.
"Jalpy, ıntımdik qyzmet kórsetken áıelderge qatysty QR ÁQbK-niń 449 baby jáne QR ÁQbK-niń 492 baby boıynsha 67 hattama toltyryldy. Al ǵımarat ıelerine jezókshelikpen aınalysýǵa úı-jaı bergeni úshin QR ÁQbK-niń 450 baby boıynsha 13 ákimshilik is qozǵaldy", - dep habarlady qalalyq polıtsııa departamentiniń baspasóz qyzmeti.
