Almatyda 13 saǵat boıy toqtaýsyz qar jaýyp tur

ALMATY. KAZINFORM — Almatyda qardyń toqtaýsyz jaýýyna baılanysty tazalaý jumystary úzdiksiz júrgizilip jatyr.

Qar 16 qańtar kúni saǵat 7:00–de bastalyp, 20:00–degi jaǵdaı boıynsha shamamen 13 saǵat boıy jaýyp tur. «Qazgıdromet» RMK boljamynsha, birde toqtap, birde jaýyp 18 qańtar tańǵa deıin jalǵasady. Qalaǵa shamamen 7 sm qar tústi.

— Qalanyń kommýnaldyq qyzmeti kúsheıtilgen táýlik boıy jumys rejımine kóshirildi. Qar tazalaý jumystaryna 2,8 myńnan astam jol salasy jumysshysy jáne 1 250 arnaıy tehnıka jumyldyrylǵan. Joldyń qaýipti ýchaskelerde, eńister men jotada, sondaı-aq jolaıyryqtarynda kóktaıǵaqtyń aldyn alý jáne ony joıý maqsatynda 75 jedel brıgadanyń kúshimen patrýldeý uıymdastyryldy. Buǵan qosa, qardy syryp tazalaýmen aınalysatyn 28 kolonna qosymsha tartyldy, — dep habarlady Almaty kommýnaldyq ınfraqurylym jáne turǵyn úı ınspektsııasy basqarmasy.

Vedomstvonyń habarlaýynsha, joldyń boıy, trotýarlar, qoǵamdyq oryndardy, qoǵamdyq kólik aıaldamalary, jerústi ótkelderi, baspaldaqtar men pandýstar arnaıy tehnıkalardyń kómegimen jáne qolmen tazalanyp, jolǵa kóktaıǵaqqa qarsy materıaldar sebilip jatyr.

— Saǵat 22:30–23:00 aralyǵynda arnaıy tehnıka kóshelerdi qarqyndy tazalaýdy jalǵastyrady, al túngi ýaqytta qalanyń magıstraldyq kóshelerinen qardy jappaı shyǵarý uıymdastyrylady, — delingen habarlamada.

Kommýnaldyq qyzmetter qala turǵyndaryn múmkindiginshe avtokólikterin jol jıegine qoımaýdy jáne arnaıy tehnıkanyń jumysyna kedergi keltirmeýge úndedi.

Eske salaıyq, 2026 jylǵy 16 qańtarda Almatyda aýa raıyna baılanysty keptelis 10 balǵa jetti.

Sondaı-aq buǵan deıin Almaty halyqaralyq áýejaıynda birneshe reıs keshigip jatqanyn jazǵanbyz.