Almatyda 13 dúńgirshek buzyldy
ALMATY. KAZINFORM — Almatyda memlekettik qordyń jerinde zańsyz ornatylǵan statsıonarlyq emes saýda nysandaryn bólshekteý jumystary jalǵasyp jatyr.
Almaty ákimdiginen málim etkendeı, Medeý aýdanynda zańsyz ornatylǵan statsıonarlyq emes saýda nysandaryn buzý jumystary tolyq aıaqtaldy. Onda kondıterlik ónimder men kóshe taǵamdary satylǵan.
— Jangeldın kóshesi, 22/1, Chaıkına kóshesi, 3, Joldasbekov kóshesi, 9/1, Samal-2 shaǵyn aýdany, 2A, Táttimbet kóshesi, 9/1, Pýshkın kóshesi, ½ jáne 28 gvardııashy-panfılovshylar saıabaǵynda ornalasqan 6 nysan kúrdeli qurylysqa jatady. Sondyqtan olardyń tizimi jer resýrstaryn basqarý departamenti men qala qurylysyn baqylaý basqarmasyna ári qaraı shara qabyldaý úshin jiberildi, — dep habarlady ákimdikten.
Qazir memlekettik qor jerlerinde ornalasqan 300-den astam zańsyz nysan 222 oıyn avtomaty buzyldy. Sonymen qatar 32 kúrdeli qurylys anyqtalyp, olardy májbúrli túrde buzý úshin sotqa talap-aryz joldandy.
Zańsyz ornatylǵan ınjenerlik jelilerdi ajyratý jumystary jalǵasyp jatyr, al qalǵan 210 dúńgirshek 15 naýryzǵa deıin buzylady.
Aıta keteıik, qalada 157 statsıonarlyq emes saýda nysandaryn ornalastyrýǵa arnalǵan 142 oryn bekitilgen.
Eske salsaq, buǵan deıin statsıonarlyq emes zańsyz saýda nysandardyń buzylatyny týraly jazǵan edik.