Almatyda 120 dinı nysan jumys isteıdi: qansha meshit pen shirkeý bar
ALMATY. KAZINFORM — Almatyda qazir 17 konfessııaǵa jatatyn 190 dinı birlestik jumys isteıdi.
Almaty qalasy din isteri basqarmasynyń basshysy Nurlan Qıqymovtyń aıtýynsha, megapolıste 120 dinı nysan bar: 56 meshit, 23 pravoslav shirkeýi, 8 katolık shirkeýi. Odan bólek 4 dinı oqý orny, 7 namazhana men dinı ádebıet taratatyn 31 statsıonarlyq pýnkt qyzmet etedi.
— Bizdegi din ustanatyndardyń basym bóligi musylmandar men pravoslavtar. Meshitterge turaqty túrde 80 myńnan astam adam barady, pravoslav shirkeýine shamamen 20 myń adam, protestanttyq birlestikterge 30 myńǵa jýyq adam baryp turady, — dedi Nurlan Qıqymov.
Sondaı-aq ol konfessııaaralyq kelisimdi nyǵaıtatyn dıalog alańy damyp jatqanyn atap ótti. Qalada dinı birlestik basshylarynyń klýby jumys isteıdi, ol konfessııalar men memlekettik organdardy baılanystyratyn mańyzdy tetikke aınalǵan.
Eske salaıyq, buǵan deıin Almatydaǵy qurylysy aıaqtalǵan eń úlken meshit nege áli ashylmaı turǵanyn jazǵanbyz.
