Almatyda 12 jastaǵy balany 13 jastaǵy tanysy pyshaqtap óltirgen
ALMATY. KAZINFORM – Almatyda jantúrgisherlik qandy oqıǵa boldy. Bozbala pyshaq jaraqatynan jan tapsyrdy.
Áleýmettik jelide marqumnyń týystary 12 jastaǵy balany 13 jastaǵy eki jasóspirim 9 ret pyshaq suǵyp óltirgeni týraly jazdy. Týystary bul is boıynsha ádildik surap otyr.
Almaty qalasynyń polıtsııa departamenti bul derekke qatysty túsinikteme berdi. Polıtsııa málimetinshe, 10 maýsymda Túrksib aýdanynda pyshaq jaraqatynan 12 jastaǵy jasóspirim kóz jumdy. Qylmys jasady degen kúdikpen Almaty qalasynyń 13 jastaǵy turǵyny ustaldy. Ol buǵan deıin jábirlenýshimen tanys bolǵan.
- Aldyn ala málimet boıynsha bul jaǵdaı kámeletke tolmaǵandar arasynda týyndaǵan janjal barysynda bolǵan. Qazirgi ýaqytta kúdikti mamandandyrylǵan mekemege ornalastyryldy. Adam óltirý faktisi boıynsha qylmystyq is qozǵaldy. Oqıǵanyń mán-jaıyn anyqtaý jáne obektıvti tergeý júrgizý maqsatynda keshendi tergeý áreketteri atqarylyp jatyr, - dep habarlady departamentten.
Sonymen qatar polıtsııa tergeý qorytyndysy boıynsha bala tárbıesindegi mindetterin tıisinshe oryndamaǵany úshin kúdiktiniń ata-anasyn jaýapkershilikke tartý máselesi qaralap jatqanyn málimdedi.
Eske salaıyq, buǵan deıin ál-Farabıdegi jol apaty boıynsha jábirlenýshiler advokattan bas tartty.
